Не ве бидува со компјутери и стравувате дека нема да го разберете нашиот софтвер? Без грижи, ние сме достапни секој ден, за да одговориме на сите ваши прашања

Како прв софтвер за подобрен менаџмент и автоматизација на целокупното работење и продажните канали на туристичките агенции во Македонија, налик на светските букинг платформи, Merakzy се врати на пазарот во 2018 година со подобрена визија и ревитализирана енергија. Базата којашто ја пополнуваат агенциите-членки, ќе биде поврзана со платформата АјдеНаОдмор.мк, којашто ја основавме во 2012 година, а уште оттогаш се популаризираше на македонскиот интернет простор, како популарен агрегатор за онлајн букирање на туристичките аранжмани кои се дел од македонската понуда.

Веќе неколку години го градиме Merakzy со многу упорност, страст, амбиција и огромна финансиска инвестиција, сè со цел да понудиме решение, коишто ќе ги задоволува секојдневните потреби на туристичките агенции, ќе ги оптимизира сите нивни работни потреби и комплетно ќе го замени постоечкиот начин на функционирање, со модерни и ефикасни решенија, уредно спакувани во една веб-базирана апликација.

Со оглед на фактот дека македонските агенции отсекогаш работеле на сосема поинаков, традиционален начин, нормално е тие првенствено да чувствуваат одреден степен на одбивност за голема промена во досегашните навики во работењето, поради стравот од долготрајна, бавна и комплексна адаптација или недоволното искуство со работа на компјутер и софтвери.

Сепак, имплементацијата на промените ќе биде лесна бидејќи системот е веб-базиран, што значи дека за него се потребни само компјутер, интернет конекција и некој веб-прелистувач (Mozzila Firefox, Google Chrome, Edge итн.). Истиот поседува кориснички интерфејс кој е лесен за навигација и овозможува интуитивно движење по модулите од страна на корисниците (туристичките агенти), па нас ни останува уште да понудиме одлична корисничка поддршка, со цел негово комплетно разбирање и секојдневна примена.

Бидејќи со досегашниот начин на работење, агентите во текот на високите сезони беа премногу зафатени со разните работни обврски, сите потребни тренинзи, обуки се оддржжуваат неколку месеци пред почетокот на високите сезони, кога тие се послободни и фокусирани, по што следува секојдневна поддршка по телефон, чат, мејл или лична посета за разрешување одредени проблематични ситуации.

Што поточно подразбира корисничка поддршка на софтвер?
Лицата од кои е составен тимот за корисничка поддршка на еден софтвер, имаат задача да помогнат околу неговата употреба, разбирање и ефикасно менаџирање на сите процеси коишто се користат од страна на клиентите. Преку различни канали на комуникација, тимот секојдневно се обидува да одговори на сите поставени прашања во врска со неговата употреба од страна на клиентите. Ваквите прашања се надвор од техничкиот дел на софтверот (тие им припаѓаат на тимот за техничка поддршка), а се однесуваат на:

1) Секакви прашања поврзани со разните функционалности кои се користат од страна на клиентите
2) Совети од страна на тимот за корисничка поддршка, за поефикасна употреба на модулите во различните секојдневни сценарија
3) Пријавување евентуални софтверски грешки/багови од страна на корисниците со цел нивно подоцнежно разрешување од страна на техничкиот тим
4) Длабинско разбирање на софтверот кој го поддржува нивниот бизнис
5) Повремена проверка на точност на внесените податоци во системот од страна на тимот за поддршка. Ова може да биде особено важно во почетната фаза од неговото користење, кога постои голема веројатност за настанување грешки.

Бидејќи нашиот софтвер има за цел подобрување на брзината, ефикасноста и прегледноста на процесите на сите страни инволвирани во дејствијата на туристичките агенции (сопствениците, вработените агенти, субагентите и крајните корисници на туристички услуги), нашиот тим има за цел да понуди оптимална поддршка преку телефон, имејл, чет или Team Viewer, 16 часа во текот на секој работен ден, како и за време на викендите, што ќе овозможи негово оптимално користење и извлекување на максимална корист од истото кај агенциите.

Покрај тоа, благодарение на нашите едноставни, детални и прецизни упатства за употреба и видео туторијали за Merakzy, агенциите ќе можат во секој момент да проверат како работи секој модул во него, без да „заглават“ многу време на одреден проблем и брзо да го решат случајот.

Без разлика дали сте активен и напреден корисник на компјутери и интернет или имате само основни познавања, нема потреба да имате никакви грижи, бидејќи користењето на Merakzy е едноставно, прегледно и ефикасно. Менијата, екраните и копчињата за акција се така уредени со цел едноставна корисничка интеракција и искуство (UX), темелени врз основа на постоечкиот, досегашен начин на работење на туристичките агенции, кој процес е анализиран уште од далечната 2012 година кога го лансиравме АјдеНаОдмор.мк.

Ова значи дека вашата работа и понатаму останува иста, но со нашето софтверско решение сите секојдневни процеси и потреби ќе ви бидат интегрирани на едно место. Наместо секоја сезона одново да ги прикачувате податоците за вашите аранжмани на веб-сајтот на агенцијата, кои се нецелосни и не овозможуваат лесен преглед, споредба, проверка на непродадени термини и онлајн букирања од страна на вашите клиенти, Merakzy секојдневно ќе ви заштедува бројни часови од работното време и ќе го подобрува вашиот бизнис.

Агенциите коишто имаат долгогодишен сопствен закуп на сместувачки објекти, ќе треба еднократно да ги прикачат описите, деталите и фотографиите за истите, кои ќе важат во текот на целото време додека го имаат закупот. Групите со аранжмани коишто имаат заеднички карактеристики, односно идентичен опис за програмата на патување, ист сместувачки објект, пансион, превоз, попусти (Early Booking, Last Minute) исто така се внесуваат еднократно на платформата во модулот за додавање т.н. „Понуди“.

Во модулот „Аранжмани“ пак, се додаваат група термини и цени, кои се поврзани со една група/вид сместувачки простории, содржани во сместувачкиот објект, за кој се поставува понудата. Сите термини внесени во еден аранжман поседуваат заеднички карактеристики за попустот за возрасни лица (трето, четврто, петто лице итн.), попустот за деца и типот на цената (цена по лице или цена по соба/наем).

На крајот, се додаваат информациите во модулот „Термини“, во кои се содржани почетна и крајна дата на аранжманот, број на ноќевања и цени. Доколку термините на дел од групите аранжмани се идентични, тие може исто така еднократно да ги внесете и зачувате на платформата во т.н. „Темплејти“, па секој пат кога ќе имате потреба од нив, само ќе ги селектирате од паѓачкото мени.

Сите податоци внесени во разните модули, можат во секој даден момент и потреба да се уредуваат, избришат или да се додадат нови. Со ваквиот начин на сегментирање на аранжманите во одделни секции и засебни полиња за секоја информација која е дел од нив, се автоматизираат и дигитализираат сите досегашни работни процеси, а тоа овозможува брз преглед на секој од нив, со само неколку кликови на компјутерското глувче.

По внесувањето на сите податоци околу аранжманите за актуелната сезона од страна на туристичките агенти, тие можат со кликање на само едно копче да ги споделат со нивните субагенти сите понуди коишто им ги нудат за заедничка продажба. Преку календарот за резервации, секоја агенција во реално време ќе гледа достапност на слободни и зафатени термини и таму, на истото место ќе ја прави резервацијата. Со самото зафаќање на терминот од страна на еден агент, тој исчезнува од календарот на другите соработници.

По завршената резервација, системот автоматски ги генерира сите потребни документи (договори, уплатници, ваучери, патни листи, руминг листи, фактури и фискални сметки). Покрај новата можност за онлајн букирање на аранжманите од страна на крајните корисници на услуги, коишто ќе бидат достапни на веб-сајтовите на агенциите и на АјдеНаОдмор.мк, со наведениот опис накратко ги објаснивме главните функционалности на системот и новиот начин на работа кој ќе го имплементираат агенциите во нивното секојдневно работење.

Бидејќи станува збор за нов софтвер, кој ќе направи коренита промена во работата на агенциите на домашниот пазар, наша работа е најпрвин да им го претставиме системот на новите членови. Со лична посета од наша страна на седиштата на туристичките агенции, на вработените и сопствениците ќе им спроведеме ефикасни обуки, во кои по пат на објаснување, заедничко вежбање на примери од реални ситуации од секојдневната работа во туризмот и одговарање на прашања околу евентуалните нејасни функционалности, нашиот тим ќе направи сè што е во негова моќ, за сите корисници да бидат целосно запознати со модулите и можностите на Merakzy. Во оваа фаза, членовите ќе бидат запознаени со системот во целина и ќе започнат со внесување на сите информации, во нивните профили. Секако, за сите нејаснотии коишто би ги имале по завршувањето на обуките, тие ќе можат секојдневно да нè контактираат преку телефон или онлајн, за да ги добијат потребните одговори.